Madeira esculpida polo tempo, é recollida por Arturo Álvarez. A partir da técnica xaponesa tradicional Yakisugi, transforma sutilmente cada peza a través do lume, revelando as súas vetas, protexendo a súa esencia e convertendo cada escultura nunha expresión única de diálogo entre natureza, materia e creador.
As pezas desta serie abordan o deterioro da sociedade actual e os seus múltiples desafíos. Sinalan, con todo, cara a un horizonte de esperanza, “detendo a oxidación”.
Plié é unha escultura que observa e explora o corpo nas súas múltiples posibilidades de movemento. Curvándose de maneiras impensables e belas, relaciónase co outro, creando xuntos formas universais e recoñecibles de expresión humana.
O corpo humano estírase e dialoga co outro, dando e recibindo a través de movementos conxugados e harmónicos. As extremidades expándense apuntando ao infinito. Créase unha intimidade conmovedora e sutil que enche o espazo.
Igual que o río Indo, esta escultura proxecta maxia sumíndonos nun mundo onírico. Os seus remuíños e curvas, co rumor das augas e o seu movemento, intúense. Unha peza de gran dinamismo, acentuado pola luz que cae e báñaa desde o teito, producindo un efecto teatral.
Unha forma que sorprende ao proxectarse, deixando ao descuberto a vulnerabilidade do corpo humano. Luz e sombra amosan a súa complexidade íntima e poética.
